2017年7月5日 星期三

2017二大一小澳門親子遊-住篇(含套票介紹)

21-22.6.2017澳門親子遊
話說龍媽媽趁暑假前帶龍哈仔快閃了一趟澳門,今次澳門之旅以吃喝為主,
一家三口,連食、住、行同買手信,總共數用了二千四有找,
雖然唔系最平,不過以依家百物騰貴的情況下,都算幾抵!

因為呢個價錢已經包了二大一小的來回船票、一晚酒店住宿、一餐半自助餐、一餐自助晚餐、冰雕門票以及手信等。

今次龍媽媽會分幾篇blog和大家分享,包括食,住,+澳門慳錢篇!
今日就大家分享下龍媽媽今次入住的酒店店活動先!




龍媽媽今次的澳門套票在新星旅遊買,
套票的名系澳門金沙城假日酒店冰之歷奇2天1晚套票,平日的價錢系$659(另加$40離境稅),

入住一晚套票包括:
 雙人入住金沙城假日酒店高級大床客房----- ( 提升雙床客房每位加$150 )
- 香港至澳門金光飛航來回船票( 回程船票須於酒店換取)
- 雙人於精選餐廳*享用早餐或午餐(價值超過港幣500元)
- 雙人「體驗夢工場」冰之歷奇門票(價值超過港幣240元)

額外住客小童(12歲或以下) 每位$399+40=439(包了來回船票、自助餐同冰之歷奇門票)

所以2大1小的套票總共$699+699+$439=$1837

其實呢個套票都幾抵,因為平買船票在無折扣的情況下二大一小都要九百蚊到,另外今次仲包自助餐同冰雕展。

新星旅遊位於尖沙咀,訂完後,去澳門的船票可以在出發當日上環順德中心三樓取,而回程船票、自助餐卷及冰之歷奇門票就在酒店取!

除了新星旅遊的套票幾平之外、油麻地旅行的澳門套票都幾抵,大家可以到呢2間公司格下價!另外單買船票就工聯會幾平,$250一套噴射飛航來回船票,不過要會員證同每個會員限買2套!



今次龍媽媽入住的酒店係位於金沙城假日酒店,
呢間龍媽媽之前都住過,酒店環境不過不失,衛生、大小都可以接受,
當然無法同最新開的巴黎人或者永利媲美,正所謂一分錢一分貨,
巴黎人的套票亦有,太約貴3、4百蚊左右,
對於住來說,龍媽媽的要求唔高,所以最後都系留返D錢來買手信!

雖然呢間酒店裝潢比較中國風,但酒店以「體驗夢工場」為主題,
有幾項免費的活動適合小朋友,無論係唔係住呢間酒店都可以玩!



首先在金沙城中心禦桃源(近假日酒店check in大堂)每日都有來自超人氣動畫《史力加》、《荒失失奇兵》、《功夫熊貓》及《馴龍記》的夢工場動畫巨星輪流出來拍照


龍哈仔見到呢D卡通人物超開心,不停咁爭住同D動畫人物影相!

此外,每日的4:00-4:20在金沙廣場2層,會有「體驗夢工場」巨星大巡遊巡遊匯演,一次過可以見曬咁多個夢工場動畫巨星人物,他們會載歌載舞表演打功夫等,雖然表演時間得十幾分鐘,不過小朋友都睇得好肉緊同興奮,表演沿途工作人員仲派了紙扇做小禮物!

除此之外,酒店仲有個「體驗夢工場」巨星集的活動,大家只要在酒店的禮賓部向工作人員表示想參加呢個活動,工作人員就會派一份小冊子俾你,只要依照地圖指示,就可齊集全套8張經典體驗夢工場」巨星卡

卡幾特別,有3D的立體效果,而且每張卡都包實曬,小朋友要拆開個包裝袋先知道係邊款卡,都幾有神秘感,最後集齊8張,龍哈仔仲愛不釋手添!

最重要係呢個活動無論係係在金沙城酒店住都可以免費參加


下一期龍媽媽會分享澳門親子遊的食篇,龍媽媽會介紹一下澳門酒店自助餐(小朋友6歲以下的選擇),以及點樣最平食澳門自助餐!

2017二大一小澳門親子遊-自助餐篇(含6歲以下免費澳門酒店自助餐介紹+平訂自助餐攻略)


息,或者係著數情報快DLikefacebook





沒有留言:

張貼留言