放暑假當然要四圍玩，奈何龍爸爸同龍媽媽無暑假放，想出國玩下都唔得，所以唯有留港消費…
最近經濟下滑，加上少了很多自由行，所以很多酒店都推出套票來吸客，平平地在酒店游下水，食下自助餐都是一個唔錯的選擇，最起碼唔洗趕頭趕命先啦！
最後龍媽媽在yahoo的團購中揀了悅來酒店的Formula@Panda2日1夜住宿計劃，二個大人+一個小朋友(其實可以帶2個小朋友去)住一晚酒店連中午自助餐，一千蚊有找，真是超超超值！
雖然酒店當日要2:00先有得check in，但龍媽媽想帶龍哈仔四周行下，所以一早已經出發，經過零食物語，見到熊仔餅造形的食物盒，盒裡有2小包熊仔餅，只需要$18蚊，價錢唔貴，又幾可愛，用來放零食一流，立即買給龍哈仔！
一出荃灣地鐵站，見到beard papa's ，出了龍媽媽至愛的抹茶味，立即買返個來食下試。最愛吃佢家的泡芙，外軟內滑，甜而不膩，讚！
由於酒店而去到下午2點先可以check in，所以在四周行下先。
離酒店大約十分鐘的路程，有一個幾古色古香的公園-賽馬會德華公園。
德華公園舊址為一條名為海壩村的村落。上圖海壩村民宅。
上圖為義璋陳公祠，建於光緒二年（1876年），為紀念陳氏廿七世祖陳義璋而建，陳氏祖籍廣東寶安縣沙井後亭村，於乾隆年間率領族人移居荃灣。
園內有兩個主題花園，分別是「茶花園」及「草藥園」，另設有錦鯉魚池、小拱橋、溪流水、九曲橋、蓮花池、涼庭。
呢種中國風的公園在香港真系越來越少見，如果屋企附近有個咁的公園，食完飯行下都是一個唔錯的選擇！
之後又去了三棟屋博物館，其實今次唔系龍媽媽第一次黎三棟屋博物館，不過對上一次已經是好幾年前的事，所以今次可以話是舊地重臨。
去開荃灣的朋友們，有時間的話不妨可以去三棟屋博物館行下，荃灣地鐵站一出口，行唔洗五分鐘就到，而且唔使入場費，勁抵！
三棟屋原來是香港最古老的圍村之一，大約在18世紀中葉，清朝乾隆五十一年（1786年），由陳姓在廣東的支系所建立。陳氏家族是客家人。雖然經歷了百多年歷史，但三棟屋卻保存得很好。
上面是三棟屋的平面圖，內有前廳、中廳、祠堂，以及 4 間獨立的居室。以前的人喜愛大家族，一大家人住在一齊。
機動的戲牌，全人手製造，造得細緻，栩栩如生，唔好話龍哈仔，龍媽媽都未見過。
三棟屋博物館除了展示三棟屋村的建築及居室特色，仲陳列各種農具、家具及客家日用品。
最特別的地方莫過於可以讓參觀者觸摸展品，感受一下農村生活。龍哈仔見到咁多新奇的物品都顯得好興奮，不停問‘呢個系咩？’
其實龍媽媽都幾佩服古人的智慧，在物資同技術咁缺乏的情況下，可以設計出通光度咁高而且通爽的房子，真是唔錯！
有時間不妨帶埋小朋友一齊行下博物館，認識一下古建築同古物！
暑假應該用來玩樂，從玩樂中學習，製造親子間的「玩憶」！
(呢個暑假龍哈仔唔上興趣班，跟隨著龍爸爸、龍媽媽四處玩，一齊來玩盡港九新界）
呢個熊仔餅食物盒我都有買到呀﹗用來放D濕星嘢都幾唔錯﹗
回覆刪除無錯，仲要幾特別是平時少見的熊仔餅圖案！
刪除