【復活節四圍玩】第一擊＊荃新天地「躍動獵蛋嘉年華」

復活節快到啦！唔知大家準備好節目同小朋友去玩未，龍媽媽在上星期日已經率先帶龍哈仔四圍玩啦！未出發先興奮，今個復活節的活動第一站來到荃灣！

日期︰ 3月19日 至4月4日

時間︰11:00am – 7:00pm
地點︰荃新天地1期中庭及2期中庭

票價︰按遊戲而定；每款$50或$10；另設$140優惠套票(包括3款$50遊戲及2款$10遊戲)

「躍動獵蛋嘉年華」的遊戲分佈在荃新天地一期和二期，除了9米高巨 型體感夾蛋機之外，全部遊戲都在室內，即使復活節呢幾日落雨都唔使驚啦！

有得玩！立即醒神曬！

未玩之前度下高先，只要小朋友的高度是90-140cm，大部分的遊戲都可以參加，幸好龍哈仔剛剛高過90cm，所以全部遊戲都玩得，不過點解食咁多飯都無咩點高，似乎要做多D運動先得！

先來玩這個奇趣掘蛋樂，在香港平時好少地方可以玩在，之前龍哈仔在深圳動物園玩過一次，上次掘泥，今次掘波波！

對於車迷的龍哈仔簡直大愛，不停用力控制，小朋友唔識玩唔緊要，每輛車的旁邊都有一位工作人員幫手！

之後就玩了個射鴨仔遊戲，呢個射鴨鴨的遊戲超抵玩，每次只是$10，玩完仲有小禮物！

之後仲玩了呢個體感夾蛋機，呢個遊戲是免費的，只需要follow荃新天地的Instagram 或者WeChat就可以玩一次！夾中仲有禮物添！

宇宙小巨蛋，跳呀跳、拋呀拋，超好玩，玩完，龍哈仔要再encore！

之後就輪到今日的主角啦！9米高巨 型體感夾蛋機

巨型體感夾蛋機，足足有 3 層樓高，只需要捐款$30給香港青年協會就可以玩一次！

只需要在體感探測器前移動手掌，巨臂 就會在高空移動，之後合埋隻手，感應器接收訊息後，鐵爪就會落去抓蛋啦！操作好簡單，不過因為龍媽媽眼界麻麻，所以最後都系…

不過有得玩，龍哈仔同龍媽媽已經超開心，玩完仲可以同巨蛋影相！

之後，我們就去到2期中期玩充氣遊戲，中庭有3 個以深海、陸地及天空為主題的充氣遊戲，首先出場的是首次曝光 8 米高以鯊 魚造型的「深海奧秘」！

唔好講小朋友，連龍媽媽見都都覺得超好玩，超長的滑梯，"sir"落黎超剌激！不過媽媽們可以放心，滑梯的上面和下面都有工作人員睇住，加上每次都唔會放太多小朋友入去玩！

呢個「深海奧秘」是必玩的遊戲！

另一個推介的就是呢個「奇幻森林世界」

呢個充氣唔單只是跳跳彈彈咁簡單，小朋友要越過重重障礙物，先可以到達終點，簡直系身手的訓練！

最後仲有「空中堡壘」，小朋友進入城堡壘後可盡情跳躍，睇下龍哈仔的表情就知幾好玩！

呢幾個遊戲簡直系放電的好地方！玩完返到屋企即訓！

感謝荃新天地的邀請！